25 - 27 თებერვალს, ZOOM-ის პლატფორმის გამოყენებით, „ერაზმუს+“ის პროექტის „DITECH - Developing and Implementing Technology-Enhanced Teaching and Learning at Georgian HEIs ტექნოლოგიებით გაძლიერებული სწავლება და სწავლა საქართველოს უნი¬ვე-რ¬სი¬ტეტებში“ პირველი საერთაშორისო სასტარტო შეხვედრა გაიმართა. შეხვედრა გახსნა და მონაწილეებს მიესალმა ტალინის უნივერსიტეტის ვიცე-რექტორი, პროფ. ანდრეს იოსაარი (prof. Andres Jõesaar), რომელმაც ისაუბრა ციფრული ტექნო¬ლო¬გიების ერაში ელექტრონული სწავლების მნიშვნელობასა და როლზე, გასაკუთრებით თანამედროვე მსოფლიოში არსებული პანდემიის ვითარებაში.

„ერაზმუს+“-ის საგრანტო პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით“ (Learning Optimization and Academic Inclusion Via Equitative Distance Teaching and Learning - Love Distance) მენეჯმენტის სამუშაო შეხვედრა გაიმართა. შეხვედრის მონაწილეებმა განიხილეს პროექტის მიმდინარეობის დეტალები და დაიგეგმა მისი განხორციელების მომდევნო ეტაპები. პროექტის მიზანია, უზრუნველყოს ისრაელსა და საქართველოში ისეთი პროგრამების/კურსების/სასწავლო მასალების შემუშავება და დანერგვა, რომლებიც ხელს შეუწყობს დისტანციური სწავლების გზით სტუდენტების ინტეგრაციას საგანმანათლებლო სისტემაში.

ზუსტ მეცნიერებათა და განათლების ფაკულტეტმა უსაფრთხო ინტერნეტის დღე აღნიშნა. კომპიუტერულ მეცნიერებათა დეპარტამენტის მხარდაჭერით ZOOM-ის პლატფორმაზე ჩატარდა ონლაინ ვებინარი აკადემიური პერსონალის, სტუდენტებისაა და მოწვეულის სტუმრების მონაწილეობით. შეხვედრა გახსნა ფაკულტეტის დეკანმა ლელა თურმანიძემ, უსაფრთხო ინტერნეტზე და კიბერ უსაფრთხოების აქტუალობაზე ისაუბრეს პროფესორმა დავით დევაძემ და ასოცირებულმა პროფესორმა მიხეილ დონაძემ. პრეზენტაციები წარმოადგინეს კომპიუტერულ მეცნიერებათა დეპარტამენტის ასისტენტმა ელზა ჯინჭარაძემ და კომპიუტერული მეცნიერებების დამატებითი სპეციალობის სტუდენტმა თინათინ ბერიძემ.

საქართველოს საგანმანათლებლო სივრცეში პირველად ბათუმის შოთა რუსთაველის სახელმწიფო უნივერსიტეტში ამოქმედდება სამაგისტრო პროგრამა "პროფესიული განათლება და ადამიანური რესურსების განვითარება". უნივერსიტეტმა აკრედიტაციის გზით მიიღო უფლება განახორციელოს სამაგისტრო პროგრამა, რომელიც მომზადდა საერთაშორისო გამოცდილებაზე დაყრდნობითა და ეროვნული მოთხოვნების გათვალისწინებით.

24-28 ნოემბერს „ერაზმუს+“-ის საგრანტო პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით“ (Learning Optimization and Academic Inclusion Via Equitative Distance Teaching and Learning - Love Distance) პარტნიორი უნივერსიტეტების წარმომადგენლებისთვის ტრენერთა ტრენინგი „ბარსელონა 2020“ გაიმართა. ონლაინ ტრენინგი, რომელშიც 50-ზე მეტი პირი მონაწილეობდა, იბერო-ამერიკული უნივერსიტეტის ფონდის (FUNIBER) ICT ჯგუფის მიერ შექმნილ ვირტუალურ კამპუსში ჩატარდა.