2020 წლის 9 აპრილს, 12:00 საათზე, Zoom-ის ონლაინ პლატფორმაზე, ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ორგანიზებით მუშაობას დაიწყებს ვებპანელი „კორონავირუსის პანდემიით გამოწვეული რეცესია, მისი შემაკავებელი ბარიერები და პოსტკორონავირუსული კრიზისის დაძლევა საქართველოში“. ვებპანელის მუშაობა ეძღვნება საქართველოს დამოუკიდებლობის აღდგენის 29-ე წლისთავს.

კომპანია „ლოიალტეს“ დირექტორმა გრიგოლ ფაიქიძემ და ბსუ-ს რექტორმა მერაბ ხალვაშმა თანამშრომლობის მემორანდუმს მოაწერეს ხელი. დოკუმენტი ითვალისწინებს სტუდენტთა დასაქმების მიზნით სხვადასხვა ღონისძიებების განხორციელებას, მათ შორის „ლოიალტეს“ შვილობილი კომპანიის, დასაქმების პორტალ www.hiro.ge-ს ჩართულობით პარტნიორ ორგანიზაციებში სტაჟირების პროგრამების შეთავაზებას. ასევე, უნივერსიტეტის სტუდენტებში მეწარმეობის განვითარების ხელშეწყობას, ერთობლივი ტრენინგების, სემინარების და პროექტების განხორციელებას.

ბათუმის შოთა რუსთაველის სახელმწიფო უნივერსიტეტში „პროკრედიტ ბანკის დასაქმების პროგრამის“ წარდგენა გაიმართა. პროკრედიტ ბანკის წარმომადგენლებმა გიორგი ნიკოლაიშვილმა და კახა სალუქვაძემ ეკონომიკისა და ბიზნესის ადმინისტრირების ფაკულტეტის სტუდენტებს პროგრამა გააცნეს და კონკურსში მონაწილეობის პირობები გააცნეს.

ბათუმის შოთა რუსთაველის სახელმწიფო უნივერსიტეტში ეროვნული სამეცნიერო კონფერენცია „ეროვნული პროდუქციის კონკურენტუნარიანობის პრობლემები თანამედროვე პირობებში“ გაიმართა. ერთდღიან სამეცნიერო სესიაზე საქართველოს სხვადასხვა უმაღლესი საგანმანათლებო დაწესებულების 60-მდე პროფესორ-მასწავლებელმა და მკვლევარმა მოხსენება წარმოადგინა ეკონომიკის აქტუალურ საკითხებზე. კონფერენცია ეკონომიკისა და ბიზნესის ფაკულტეტის ბიზნესის ადმინისტრირების, მენეჯმენტისა და მარკეტინგის დარგობრივი დეპარტამენტის ორგანიზებით ბსუ-ს მიზნობრივი სამეცნიერო კვლევითი პროექტის „ქართული წარმოების ზოგიერთი კონკურენტუნარიანობის კვლევა ადგილობრივ ბაზარზე“ ფარგლებში ჩატარდა.

ბრძანება №01-02/206