ბსუ-ს ზუსტ მეცნიერებათა და განათლების ფაკულტეტის კომპიუტერულ მეცნიერებათა დეპარტამენტის პროფესორ-მასწავლებლები ქედის რაიონის სოფელ დოლოგნის საჯარო სკოლის 9-11 კლასის მოსწავლეებსა და სკოლის მასწავლებლებს შეხვდნენ. კომპიუტერულ მეცნიერებათა დეპარტამენტის ხელმძღვანელმა, ასოცირებულმა პროფესორმა მიხეილ დონაძემ, დეპარტამენტის პროფესორებმა გულადი ფარტენაძემ, ზაზა დავითაძემ და ბესიკ ბერიძემ შეხვედრაზე ისაუბრეს კომპიუტერული მეცნიერების როლზე თანამდეროვე ცხოვრებაში, კერძოდ კიბერ უსაფრთხოების და WEB 3 პლატფორმის მნიშვნელობაზე, ასევე მსმენელებს წარმოუდგინეს თანამედროვე კომპიუტერული ციფრული ტექნოლოგიების მიღწევები.

15 დეკემბერს ბათუმის შოთა რუსთაველის სახელმწიფო უნივერსიტეტში ERASMUS+ საგრანტო პროექტის „პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით უმაღლეს საგანმანათლებლო დაწესებულებებში" (PROMENT) მონაწილეების სამუშაო შეხვედრა ჩატარდა. შეხვედრას ესწრებოდნენ ბსუ-ს რექტორი, პროფესორი მერაბ ხალვაში, რექტორის მოადგილე, პროფესორი ანზორ ბერიძე, პროექტის განმახორციელებელი პერსონალი ბსუ-დან და აჭარის ა/რ-ის სავაჭრო-სამრეწველო პალატის (ACCI) თავმჯდომარის მოადგილე ნინო დოლიძე.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ორგანიზებით, სკოლისა და უნივერსიტეტის თანამშრომლობის კლუბის „სკოლა-უნივერსიტეტი“ ფარგლებში, მეათე სამეცნიერო კონფერენცია გაიმართა თემაზე: „სასკოლო განათლება - თანამედროვე გამოწვევები და პერსპექტივები“. კონფერენციაში უნივერსიტეტებისა და ზოგადსაგანმანათლებლო დაწესებულებების 300-ზე მეტი სტუდენტი და მოსწავლე მონაწილეობდა. სესია გახსნეს, მონაწილეებს მიესალმნენ ბსუ-ს რექტორი მერაბ ხალვაში, ზუსტ მეცნიერებათა და განათლების ფაკულტეტის დეკანი ლელა თურმანიძე, აჭარის ა.რ. განათლების, კულტურისა და სპორტის სამინისტროს განათლების დეპარატამენტის უფროსი ნაზიბროლა ბერიძე-გაბაიძე და პროფესორ-მასწავლებლები.

ბსუ-ს საბუნებისმეტყველო მეცნიერებათა და ჯანდაცვის ფაკულტეტის გეოგრაფიის მიმართულების აკადემიურმა პერსონალმა ცირა ქამადაძემ და ხათუნა ჭიჭილეიშვილმა სტუდენტებისთვის ჩაატარეს ტრენინგი თემაზე: „კლიმატის ცვლილებით გამოწვეული მეტეოროლოგიური ელემენტების ცვლილება და მათი ზემოქმედება გარემოზე“. ტრენინგი „ერაზმუს+“-ის პროექტის „საგანმანათლებლო, სამეცნიერო, მართვის და ინდუსტრიული კომპეტენციების ერთობლიობა კლიმატის მართვისა და კლიმატის ცვლილებების პრევენციისათვის (CLIMAN)“ ფარგლებში გაიმართა. პროექტის მენეჯერი, ზუსტ მეცნიერებათა და განათლების ფაკულტეტის დეკანი, პროფესორი ლელა თურმანიძე სტუდენტებს ესაუბრა პროექტის მნიშვნელობასა და მიზნებზე.

13-17 ნოემბერს, ავეიროს უნივერსიტეტში სასწავლო ვიზიტით იმყოფებოდნენ „ერაზმუს+“-ის საგრანტო პროექტის „პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით უმაღლეს საგანმანათლებლო დაწესებულებებში" პერსონალი, პროექტის მენეჯერი, ზუსტ მეცნიერებათა და განათლების ფაკულტეტის დეკანი, პროფესორი ლელა თურმანიძე და მკვლევარი, მოწვეული მასწავლებელი, ტექნიკის მეცნიერებათა დოქტორი ელისო ძნელაძე. ვიზიტის ფარგლებში პროექტის მონაწილეები შეხვდნენ ავეიროს უნივერსიტეტის (UA) ვიცე-რექტორს, სანდრა სუარესს, საბუღალტრო აღრიცხვისა და ადმინისტრირების ინსტიტუტის (ISCA-UA) დეკანს, ფრანცისკო პიკადოს, საერთაშორისო ურთიერთობების ოფისის ხელმძღვანელს, სოფია ბრუკმანს და გაეცნენ ავეიროს უნივერსიტეტის ფაკულტეტებისა და სტრუქტურული ერთეულების საქმიანობას, უნივერსიტეტის ინტერნაციონალიზაციის პოლიტიკას.