ტემპუსის საგრანტო პროექტის ”Promoting Internationalization of HEIs in Eastern Neighbourhood Countries through Cultural and Structural Adaptations (PICASA)“ ფარგლებში ჩატარდა საინფორმაციო შეხვედრა ბათუმის შოთა რუსთაველის სახელმწიფო უნივერისტეტის სტუდენტებთან, პროფესორ-მასწავლებლებთან და ადმინისტრაციულ პერსონალთან. წარდგინებაზე მონაწილეებმა პროექტის მიზნები, მიღწევები და სამომავლო გეგმები წარმოადგინეს. შემუშავდა უნივერსიტეტის ინტერნაციონალიზაციის დებულება და ორი სამაგისტრო პროგრამა - ეკონომიკა და საჯარო მმართველობა. პროექტის ფარგლებში ასევე შეძენილია ტექნიკური აღჭურვილობა.

ბათუმის შოთა რუსთაველის სახელმწიფო უნივერსიტეტმა ხელი მოაწერა შეთანხმებას საგანმანათლებლო-სამეცნიერო თანამშრომლობის საერთაშორისო კონსორციუმის შექმნასთან დაკავშირებით. (The International Consortium of Educational-Scientific Cooperation).

2016 წლის 23-25 იანვარს უკრაინაში, ქ. ჩერნიგოვის ეროვნულ ტექნოლოგიურ უნივერსიტეტში გამართულ მრგვალ მაგიდაზე ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ბიზნესის ადმინისტრირების დეპარტამენტის ხელმძღვანელს, ასოცირებულ პროფესორს ბადრი გეჩბაიას ჩერნიგოვის ტექნოლოგიური უნივერსიტეტის საპატიო დოქტორის წოდება მიენიჭა. საპატიო დოქტორის წოდება ბადრი გეჩბაიას პოექტის „ევროკავშირი - აღმოსავლეთ პარტნიორობა: თანამშრომლობა განათლებისა და მეცნიერების სფეროში“ ფარგლებში, საერთაშორისო თანამშრომლობის საკითხებში მიღწეული წარმატებებისათვის გადაეცა.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის, ტურიზმის ფაკულტეტების პირველი კურსის სტუდენტებს, ტარიელ ქოჩაკიძეს და ანა შაინიძეს რექტორის მოვალეობის შემსრულებელმა მერაბ ხალვაშმა პლანშეტური კომპიუტერები გადასცა.
100% გრანტის მფლობელმა პირველკურსელებმა, ერთიანი ეროვნული გამოცდების განაცხადში ბათუმის შოთა რუსთაველის სახელმწიფო უნივერსიტეტი პირველ ადგილზე მიუთითეს, რისთვისაც წამახალისებელი საჩუქრები მიიღეს.

2016 წლის 19 იანვარს ეკონომიკისა და ბიზნესის ფაკულტეტის „მენეჯმენტის“ სპეციალობის (minor) IV კურსის სტუდენტებმა: თინათინ შავლიძემ, ლელა ფაღავამ, მარიკა ზოსიძემ, თამარ კაკაბაძემ და სოფიკო ბერიძემ შეიმუშავეს და განახორციელეს სოციალური პროექტი - „არა პოლიეთილენის პარკებს“. პროექტი მიზნად ისახავდა საზოგადოების ინფორმირებას გარემოს დაბინძურებით გამოწვეულ პრობლემებსა და მოსწავლეების ჩართულობის გაზრდას პრობლემის გადასაჭრელად. სოციალური პროექტი სასწავლო კურსის - „პროექტების მართვის“ ფარგლებში შემუშავდა და სტუდენტთა პრაქტიკული უნარ-ჩვევების გამომუშავებას ემსახურებოდა.